16 dekabr 2016-cı il tarixində AMEA Kimya Elmləri Bölməsinin (KEB) növbəti Büro iclası keçirildi.

Büro üzvləri və institut direktorlarının iştirak etdiyi tədbiri giriş sözü ilə açan AMEA KEB-in akademik-katibi, akademik Dilqəm Tağıyev gündəlikdə duran məsələlər barədə məlumat verdi.

Büro iclasında Azərbaycan Dövlət Neft Şirkətinin Elm Fondunun 2014-cü ildə keçirdiyi müsabiqəsinin qalibi olmuş layihələrin icrası haqqında yekun hesabatlar dinlənildi.

İclasda, həmçinin Kimya Elmləri Bölməsinin İllik Ümumi Yığıncağının keçirilmə tarixi təsdiq olundu. Aşqarlar Kimyası İnstitutunun Elmi Şurasının tərkibində qismən dəyişiklik edilməsi məsələsinə də baxildi. Bir sıra kadr məsələlərinə də baxılıb.